KREU IV

KUNDERVAJTJET ADMINISTRATIVE

Neni 49

1. Janë kundërvajtje administrative dhe dënohen me gjobë, kur nuk përbëjnë vepër penale, shkeljet e mëposhtme :
   • a)  shkeljet sipas nenit 7 dënohen me gjobë nga 10 000-20 000 lekë;
   • b)  shkeljet sipas nenit 8 dënohen me gjobë nga 30 000-50 000 lekë;
   • c)  shkeljet sipas neneve 11 dhe 19 dënohen me gjobë nga 20 000-50 000 lekë;
   • ç)  shkeljet sipas nenit 14 dënohen me gjobë nga 100 000-500 000 lekë;
   • d)  shkeljet sipas nenit 16 pika 2 dënohet me gjobë 20 000 lekë;
   • dh) shkeljet sipas neneve 25 pika 3 dhe 26 pika 2 dënohen me gjobë nga 100 000-300 000 lekë;
   • e)  shkeljet sipas nenit 28 pika 2 dënohen me gjobë nga 100 000-500 000 lekë
   • ë)  shkeljet sipas nenit 33 pika 1 dënohen me gjobë nga 50 000-500 000 lekë;
   • f)  shkeljet sipas nenit 45 dënohen me gjobë nga 10 000-50 000 lekë;
   • g)  shkeljet sipas nenit 33 pika 2 dënohen me gjobë 100 000 lekë dhe konfiskim të aparaturës;
   • gj) shkeljet sipas neneve 47 dhe 48 pika 1 dënohen me gjobë nga 1 000 000-5 000 000 lekë.
2. Dëmi i shkaktuar në objektet unikale të trashëgimisë kulturore përbën në çdo rast vepër penale dhe dënohet sipas legjislacionit penal.

Neni 50

1. Të drejtën e vënies së gjobës e kanë inspektorët e Institutit të Arkeologjisë, Institutit të Monumenteve të Kulturës dhe Qendrës Kombëtare të Inventarizimit të Pasurive Kulturore, sipas fushave që mbulojnë.
2. Shqyrtimi i kundërvajtjeve administrative, ankimi dhe ekzekutimi i vendimeve bëhet sipas procedurave dhe afateve të përcaktuara në Kodin e Procedurave Administrative.
3. Shuma e arkëtuar nga vjelja e gjobave derdhet 50 për qind në favor të Buxhetit të Shtetit dhe 50 për qind në favor të institucioneve që e ka objektin nën juridiksion.